To nye fakultetsdirektørar

Begge har vore fungerande fakultetsdirektørar ved dei same fakulteta i ein periode, før dei no er tilsette i faste stillingar. Dei to stillingane var kunngjorde i haust og UiA fekk totalt inn 18 søknader.

Før ho vart fungerande fakultetsdirektør ved Fakultet for samfunnsvitskap i mai 2023 var Tangedal seniorrådgivar ved same fakultet. Ho har ein Cand.polit frå UiB, og har tidlegare jobba med forskingsadministrasjon sentralt på universitetet. Ho har også sete i universitetsstyret som medlem valt av dei teknisk/administrative tilsette.

Jørgensen var på si side leiar for økonomiseksjonen i UiAs økonomi- og campusavdeling, ei stilling som no er lyst ut med søknadsfrist 11. desember. Han er utdanna siviløkonom frå UiA, og har tidlegare hatt ulike roller innan UiAs økonomiforvaltning.