Viežžamuš ja geavahanrávvagat
Sámi máilmmis sáhttet oahppit fitnat digitála Sámedikkis Kárášjogas. Visti lea huksejuvvon Norgga Sámedikki huksehustevnnegiid mielde. Minecraft-visti nuppi gearddis leat kantuvrrat, mat leat ožžon namaid Sámedikki iešguđet ossodagaid mielde. Oahppit besset sirdit sámi hárjehusaide dáid kantuvrraid bokte.
Viečča Sámi máilmmi Minecraftii
Ná rievdadat giela:
Jus buohkat bidjet Minecraft Education giela ruoŧagillii, de ihtet máilmmi galbbat davvisámegillii.
Jus buohkat bidjet giela dánska gillii, de lea máilbmi belohahkii åarjelsámegillii (ain jorgaluvvomin)
Máilmmi maid sáhttá speallat eaŋgalasgillii.
Leat go dus hástalusat go bijat iPadii?:
- Viečča fiilla rukses boalus dás bajábealde. Dat galgá gohčoduvvot “namma”.mcpack. Fiila manná de “Fiillat/Files” áppa sisa.
- Mana Fiilllat/Files (alit gihppu) áppii -> Vieččamušat/Downloads ja deatte fiilla dassái go ihtet válljejumit. Dál válljet Sirdde/Move.
- Njávkkas vulos gihppagii mas namma lea Minecraft dahje Education ja coahkkal dasa.
- Vállje “Máŋge/copy” bajit olgeš čiegas.
- Deaddil dasto “gaskkalduhtte/cancel” ja vállje baicce iPad:as/On iPad.
- Vállje Minecraft dahje Education gihppaga ja ja deaddil giellapáhka. Dás oainnát video proseassas (eŋgelasgillii).
Sámi Minecrafta pedagogalaš geavaheapmi
Oahpponeavvu lea hábmejuvvon dađistaga go vuođđoskuvlla oahpaheaddjit leat geahččaladdan dan.
Ulbmil
- Vállje maid áiggut olahit doaimmain ja man guvlui háliidat doaimma ovdánit. Soaittát háliidit ohppiid oahppat dihto dáidduid, dihto máhtu dahje ipmirdit dihto doahpaga.
Oahpásmuva oahpponevvui
Huksejuvvon birrasat, muitalusat ja nu movt speallu doaibmá váikkuhit ohppiid vásáhusaide ja bohtosiidda. Danne lea dehálaš ahte oahpaheaddji ovdagihtii oahpásmuvvá Minecrafta sámi máilbmái. Nu maiddái álkidivččii iežat barggu plánet ollislaš pedagogalaš doaimma mas maiddái ávkkástalat ohppiid speallanmáhtuid.
Reflekšuvdna ja árvvoštallan
Láhče dili ovttasbargui. Bija ovdamearkka dihte guovtti oahppi jovkui, gos nubbi oahppi lohká bagadallanbáhpira ja nubbi speallá.
Ságastala ohppiiguin iežaset speallanvásáhusaid birra ja láide sin fuomášit movt dat vásáhusat čatnašuvvet gealbomihttomeriide. Reflekšuvdna sáhttá leat sihke formatiiva ja summatiiva, ja dan sáhttá dahkat spealadettiin dahje dan maŋŋá.
Ohppiid ovdamáhttu
Ávkkástala oahpadettiin daid ohppiin geat ovdalaččas máhttet olu spealu birra.
Fuomášuhtte ohppiid ahte lea erohus skuvlla Minecrafta speallamis ja friddjaáiggi speallamis.
Fuomáš ahte lea erohus gaskal speallama ulbmiliid ja oahppama gealbomihttomeriid.
Pláne dasa, ahte iešguđet ulbmil ádjána iešguđet áiggi ja pláne čielgasit maid oahppit galget bargat maŋŋel go leat geargan.
Oaččo ohppiid ságastallat
Geavahehket ságastallankoarttaid maŋŋel bargguid vai šaddá njuovžilis ságastallan.
Jeara rabas gažaldagaid, guorahallet iešguđet perspektiivvaid, ja movttiidahtte digaštallat áššiid
Hárjehusat
Mii leat ráhkadan iešguđetlágan hárjehusaid oahppoplánaid gealbomihttomeriid vuođul. Jus čuovut válljemiid duos badjelis, de gávnnat hárjehusaid mat heivejit iešguđet cehkiide ja fágaide. Buot hárjehusat leat fágaidrasttildeaddjit. Juohke hárjehussii leat ráhkaduvvon resursabáhpárat sámegillii ja čilgehusvideot dárogillii.
Resursabábir
Buot hárjehusaide lea ráhkaduvvon resursabábir. Resursabáhpáris lea hárjehusbábir man attát ohppiide, heivvolaš gealbomihttomearit, ja maiddái čuovvolanhárjehusat ja eará materiálat máid sáhttá ávkkástallat oahpahusas.
Mii ávžžuhit čálihit hárjehusa ohppiide nu, ahte oahppit sáhttet merket báhpárii dađistaga go čađahit doaimmaid.
Čuovvolanhárjehusat ja resurssat leat oaivvilduvvon neavvun ja doarjjan oahpaheaddjái go galgá ohppiid speallanvásáhusaid bokte láidet oahppamii.
Giella
Máilbmi lea jorgaluvvon davvisámegillii. Buohkat fertejit bidjat spealu giela ruoŧagiellan ovdal go servet máilbmái, danne go de automáhtalaččat máilbmi ihttá sámegillii. Spealus lea maid åarjelsámi-davvisámi sátnegirji váldouvssa lahka.
Lihkadeapmi
Jus oahppit dahje oahpaheaddjit eai leat oahpásmuvvan Minecraftii, de gávdno álkes speallanbagadus sámi máilmmi siste. Minecraft Education girjerádjosis leat maid lihkadankurssat.
Áigegeavaheapmi
Hárjehusain lea iešguđetlágan guhkkodat ja hárjehusaid čađahanáigi rievdá ohppiid ja ohppiidjoavkku mielde. Dus ferte čielga plána ohppiide dađistaga go gerget. Ovdamearkka dihte sáhttet oahppit govvet spealu kámerain ja bivdit čállit dan birra portfolio-govvagirjjis maid gávdná spealus. Dán govvagirjji lea vejolaš eksporteret Minecrafta olggobeallái PDF-hápmái.
Organiseren
Mii ávžžuhit, ahte oahppit barget sámi máilmmi hárjehusaiguin joavkkuin gos leat guovttis ja guovttis. Nubbi oahppi lea Minecraft siste ja nubbi oahppi lohká hárjehusbáhpára. Lohkki lohká hárjehusbáhpára ja veahkeha nuppi oahppi navigeret rievttes báikái. Lea vejolaš bovdet olles luohkáid seamma máilbmái, muhto mii eat ávžžut dan danin go bálkkašumiid juohkin, dieđut ja teleporteren ii dáidde lihkostuvvat.
Juogat máilmmi iežat ohppiiguin
Viečča máilmmi deaddileames alit boalu dás badjelis. Juogat máilmmi iežat ohppiiguin dan vuogádaga bokte mas dábálaččat gulahallabehtet dahje juoge dán siiddu čujuhusa iežat ohppiiguin.
Deaddil viežžanikona ja de vállje "Viečča dattege".
Čuovvolanhárjehusat
Pláne fáttáid čuovvoleami dárkilit. Geavat ohppiid speallanvásáhusaid ságastit sámi perspektiivvaid birra. Ávkkástala ságastallankoarttaid ságastallamis. Ságastallankoarttat leat evttohusat reflekšuvdnii ja digaštallamii.