Hárjehusat
Dán siiddus gávnnat buot hárjehusaid mat gávdnojit Sámi Minecraftas. Go deaddilat hárjehusaid, de gávnnat resurssaid, gealbomihttomeriid, rávavideoid ja evttohusaid eará resurssaide.
Guorahallat sámi máilmmi
Guorahala olles sámi máilmmi. Govve áššiid maid fuomášit, ohppet ja mas háliidat oahppat eanet. Geahččal iežat máhtu girjerádjosis duohta/gielis-lanjas.
Ruvkedoaibma Riehpovuonas
Mátkkoš Riepovutnii ja iskka mii lea ruvkebázahusaid siste. Gula makkár ákkat Nussiris leat ja makkár ákkat Sámedikki ovddasteaddjis leat ruvkedoaimma birra. Guorahala ruvkii ja mearrabotni.
Sámi dáidda
Oahpásmuva dáiddárii Anders Sunnai ja fina su galleriijas geahččat ja guorahallat su dáidaga “Illegal Spirits of Sápmi”. Dáidda lei oassi “Sámi paviljoŋŋas” Venezia biennálas 2022:s
Vuosttaš riikačoahkkin
Mátkkoš vássán áigái Tråantii guovvamánu 6. beaivái 1917:s. Dalle čoahkkanedje Norggabeal ja Ruoŧabeal sámit vuosttaš geardde oktasaš čoahkkimii. Ságastala muhtun oasseváldiiguin ja gávnna čoahkkima vuolggaheaddji. Sus oaččut vuoittu maid sáhtát váldit mielde.
Gárdi
Mátkkoš gárddi lusa ja veahket čohkket golbma bohcco girdnui. Sáhtát váldit luoikkasin mohtorgielkká! Ovdal go vuolggát gárddis, de fertet divvut áiddi.
Parlameantaviessu
Guorahala Sámedikki ja dievasčoahkkinlanja. Váldde govaid ja buohtastahte Kárášjoga visttiin.
Fovse bieggamillopárka
Alimusriekti mearridii 2021:s ahte bieggamillopárkkat Fovses rihkkot badjeolbmuid vuoigatvuođaid. Bieggaturbiinnat eai leat vuos gaikojuvvon. Mátkkoš Fovsii ja árvvoštala galgá go gaikut bieggaturbiinnaid.
Luohkkálanja - báhtaranlatnja
Čoavdde gávttiid vai beasat eret luohkkálanjas. Bargobihtát leat čohkkejuvvon sámegiela birra.
Luossabivdu
Mátkkoš Deanuleahkái ja bivdde luosa verdde ovddas! Luosa sáhtát bassit dollagáttis ja buvtte verdde lusa gii lea Sámedikkis. Sus oaččut vuoittu.
Hukset leavgga
Mana huksenbáikái ja hukse sámi leavgga Minecraftas. Don sáhtát ieš mearridit man stuoris dat galgá leahkit.
Áigemátkkošteapmi - eatnamiid geavaheapmi
Mátkkoš vássán áigái ja ságastala aktivisttaiguin ja huksenbargiiguin. Dasto mearridat galgá go hukset el-fápmorusttega vai ii. Guorahala makkár váikkuhusat du válljemis leat.