Det finst fleire måtar å søkje opptak til eit ph.d.-program ved UiA på. Dei vanlegaste er:
- Søknad kan sendast inn på ei utlyst stipendiatstilling. Sjå ledige ph.d.-stillingar ved UiA.
- Det er òg mogleg å søkje gjennom ordningane for nærings-ph.d. og offentleg sektor-ph.d. Ordningane er for tilsette i ei bedrift eller i offentleg sektor som skal gjennomføre eit ph.d.-prosjekt som ein del av tilsetjinga. Prosjekta blir finansierte av Forskingsrådet.
UiA tilbyr både treårige og fireårige stipendiatstillingar. I dei fireårige stillingane utgjer karrierefremjande arbeid 25 prosent av den samla arbeidsmengda, medan tre år er sett av til arbeidet med doktoravhandlinga. Sjå avsnittet "Karrierefremjande arbeid i fireårige stillingar" i ph.d.-handbok.
Universitetet kan inngå samarbeid med éin eller fleire norske eller utanlandske institusjonar om fellesgrader eller cotutelle-avtalar.