Innhaldsliste

Emnet er knytt til følgjande studieprogram

  • Lektorutdanning for trinn 8-13, 5-årig masterutdanning
  • Nordisk språk og litteratur, masterprogram

Undervisningsspråk

Norsk eller eit anna skandinavisk språk. Enkelte førelesningar av gjesteførelesarar kan vere på engelsk.

Læringsutbytte

Etter fullført emne skal studenten

Kunnskap

  • ha avansert kunnskap om teoriar om språk og makt i lys av relevante analytiske tradisjonar
  • ha inngåande kunnskap om metodar og analytiske tilnærmingar til språk i bruk i eit kritisk samfunnsperspektiv
  • ha inngåande kunnskap om språk i bruk i eit digitalt samfunn og relevante problemstillingar i en norsk kontekst

Ferdigheiter

  • kunne analysere, vurdere og diskutere ulike former for språkbruk i skriftlege, munnlege og multimodale tekstar
  • kunne arbeide sjølvstendig med teoriar innan kritisk sosiolingvistikk og metodiske tilnærmingar til analyse av språk i bruk i et maktperspektiv
  • kunne reflektere kritisk over språklege og samfunnsmessige fenomen og deira interaksjon

Generell kompetanse

  • kunne bruke sine kunnskapar og analytiske ferdigheiter i møte med relevante faglege utfordringar og endringsprosessar i samfunnet
  • kunne diskutere og formidle språkvitskapelege problemstillingar knytt til språk i bruk i samfunn både med spesialistar og for eit bredt publikum
  • kunne bidra med fagleg grunngitte analysar og argument i diskusjonar om språkvitskaplege fenomen, tiltak og språkpolitikk på ulike arenaer

Innhald

Språkvitskap gjeld ikkje berre studiet av grammatiske strukturar og regularitetar i tekst og samtale, men inneber også å utforske språk som eit grunnleggande sosialt fenomen. Når vi bruker språk, formidlar vi meir enn semantisk innhald og grammatisk form. Gjennom våre språklege val seier vi alltid noko om kven vi er, kor vi kjem frå og korleis samfunnet vi lever i 47 fungerer, sjølv om vi ikkje alltid er bevisste på det. I dette emnet vil vi fordjupe oss i språk som eit samfunnsmessig fenomen frå et kritisk perspektiv. Vi vil drøfte dei ulike måtane samfunnsstrukturar og hierarkiske tilhøve gjenspeilast i språk i bruk, og korleis språket samtidig bidrar til å skape og gjenskape samfunnet. Sentrale tema i emnet vil være makt, identitet, kjønn, rasisme, språkideologi og haldningar, samt digital teknologi.

Undervisnings- og læringsformer

Undervisninga består av førelesingar, gruppediskusjonar og analyseoppgåver som løysast individuelt og i grupper. Studentane forventast å analysere og diskutere eksempel frå språk i bruk i ulike kontekstar

Vilkår for å gå opp til eksamen

Godkjent skriftleg arbeidskrav. Studentane skal sjølv velgje ein tekst og analysere den i lys av teoriar som gjennomgåast i emnet. Meir informasjon om framlegget kjem i Canvas.

Eksamen

6 timars skriftleg eksamen under tilsyn, med alle fysiske hjelpemiddel tillatt. Valfri målform. Gradert karakter.

Studentevaluering

Emneansvarleg i samråd med studenttillitsvalt bestemmer evalueringsform og om emnet skal ha midtvegs- eller sluttevaluering i tråd med kvalitetssystemet kapittel 4.1.

Vert tilbydd som enkeltemne

Ja, med atterhald om ledig kapasitet.

Opptakskrav om tilbydd som enkeltemne

Som for masterprogrammet i Nordisk språk og litteratur.

Reduksjon i studiepoeng

Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:

Emne Studiepoengreduksjon
NOU428 – Språk og makt - for utenlandske studenter. 15
Sist henta frå FS (Felles studentsystem) 15. okt. 2026 11:28:30