Innhaldsliste

Emnet er knytt til følgjande studieprogram

  • Lektorutdanning for trinn 8-13, 5-årig masterutdanning
  • Nordisk språk og litteratur, masterprogram

Undervisningsspråk

Norsk eller eit anna skandinavisk språk

Læringsutbytte

Etter fullført emne skal studenten:

Kunnskap

  • ha avansert kunnskap om forsking som gjeld språkleg mangfald i skrift og tale (før og no)
  • ha inngåande kunnskap om fleirspråklegheit på individ- og samfunnsnivå
  • ha inngåande kunnskap om ulike sider ved språkforholda i fleirspråklege samfunn i lys av relevante teoriar, aktuell samfunnsdebatt og bærekraftmål

Ferdigheiter

  • kunne orientere seg i og vurdere kritisk nasjonal og internasjonal forsking
  • kunne reflektere over forholdet mellom språkteori i emnet og aktuell samfunnsdebatt
  • kunne arbeide sjølvstendig med teoriar og metodiske tilnærmingar til språk og språkleg mangfald på individ- og samfunnsnivå

Generell kompetanse

  • kunne bruke språkteoretiske kunnskapar og analytiske ferdigheiter i møte med relevante faglege utfordringar og endringsprosessar i samfunnet
  • kunne bruke kunnskap om språkleg mangfald og fleirspråklegheit til å reflektere over situasjonar der språkleg mangfald er eit sentralt tema
  • kunne kommunisere med fagleg innsikt om fleirspråklegheit og språkleg mangfald i ulike situasjonar og til ulike mottakargrupper

Innhald

Fleirspråklegheit og språkleg mangfald kjenneteiknar dei fleste samfunn i verda. Men kva er eigentleg fleirspråklegheit? Kven er fleirspråkleg? Kva tyding har det på ulike område for eit samfunn at det er språkleg mangfaldig? Dette emnet handlar om korleis ein er eller blir fleirspråkleg, og om kva rolle(r) fleirspråklegheit og språkleg mangfald kan ha på ulike område i samfunnet, der til dømes makt, demokrati og medborgarskap spelar ei rolle. I emnet skal vi sjå nærare på korleis eit utval språkvitskaplege teoriar og metodar kan gi ulike perspektiv på munnlege og skriftlege praksisar der fleirspråklegheit og språkleg mangfald er sentralt. Vi skal nytte språkvitskaplege teoriar og innsikter frå nærskylde vitskapsområde til å reflektere over vekslande syn på språkleg mangfald si rolle i samfunnet i fortid og notid, og drøfte kva tyding desse ulike syna har hatt og kan ha for maktforhold, demokrati og medborgarskap i ulike samfunn i verda, men med vekt på norske språkforhold.

Undervisnings- og læringsformer

Forelesing og seminar med innlagte gruppearbeidsøkter. Studentane er aktivt med i diskusjonar og analysar, og byter på å presentere fagstoff. Emnet har eit forventa arbeidsomfang på 400 timar.

Vilkår for å gå opp til eksamen

Godkjende obligatoriske arbeidskrav som går fram av oversikt gjort kjend ved semesterstart. Meir informasjon kjem i Canvas.

Eksamen

Ein individuell munnleg eksamen med gradert karakter.

Studentevaluering

Emneansvarleg fastset i samråd med studenttillitsvald evalueringsform og om emnet skal ha midtvegs- eller sluttevaluering i tråd med kvalitetssystemet kapittel 4.1.

Vert tilbydd som enkeltemne

Ja, med atterhald om ledig plass og kapasitet.

Opptakskrav om tilbydd som enkeltemne

Som for opptak til masterprogrammet i nordisk språk og litteratur.

Reduksjon i studiepoeng

Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:

Emne Studiepoengreduksjon
NOU427 – Skrift og tale, flerspråklighet og språklig mangfold - for utenlandske studenter. 15
NO-413 – Skrift og tale, språkleg mangfald i skolen. 15
Sist henta frå FS (Felles studentsystem) 15. okt. 2026 10:53:47