NO-423 Natur og miljø i litteraturen (Haust 2026)

Etter fullført emne skal studenten

Kunnskap

• ha avansert kunnskap om ulike teoriar om relasjonen mellom litteratur, kultur og miljø
• ha inngåande litteratur- og kulturvitskapleg kunnskap om natur, miljø og relaterte omgrep og konsept
• ha inngåande kunnskap om korleis relasjonar mellom det menneskelege og det ikkje-menneskelege er framstilt i eit utval litterære tekster fra Norden

Ferdigheiter

• kunne analysere og vurdere framstillingar av natur og miljø i litterære og ikkje-litterære tekster
• kunne arbeide sjølvstendig med økokritiske og miljøhumanistiske teoriar og metodiske tilnærmingar

Generell kompetanse

• kunne bruke sine kunnskapar og ferdigheiter i møte med relevante faglege utfordringar og med endringsprosessar i samfunnet
• kunne kommunisere om kulturelle aspekt ved økologiske problemstillingar både med spesialistar og til allmenta

Klimaendringar, forureining, nedbygging av natur og øydelegging av økosystem er blant våre største samfunnsutfordringar. Dei truar framtida til både menneske og andre arter. Lenge ble forsking på økologiske problem berre sett på som naturvitskapanes oppgåve. Men menneskeleg kultur har stor betydning for korleis vi oppfattar natur og miljø: Kulturelle normer, verdiar, forteljingar og tenkemåtar påverkar korleis menneske føreheld seg til økologiske problem og risikoar, både individuelt og kollektivt. Korleis litterære tekstar og andre kulturelle uttrykksformer framstiller natur og miljø, kan dermed få stor betydning for våre relasjonar til det ikkje-menneskelege.

I dette emnet skal vi utforske korleis litterære og ikkje-litterære tekstar bidrar til å forme tenking rundt natur og miljø. Vi blir kjent med forskjellige teoriar og metodar innanfor det litteratur- og kulturvitskaplege forskingsfeltet økokritikk, men også med det større, tverrfaglege forskingsområdet miljøhumaniora (environmental humanities). Vi les tekstar frå nordiske land frå ulike tider og sjangrar, og diskuterer korleis litteratur kan reflektere over, legitimere og vidareføre, men også kritisere og endre relasjonane mellom menneske og miljø. Vi skal også utforske litteraturens betydning for natur- og miljørelaterte problemstillingar i ein større samfunnsmessig kontekst, blant annet innanfor utdanning for berekraftig utvikling.