Innhaldsliste

Emnet er knytt til følgjande studieprogram

  • Lektorutdanning for trinn 8-13, 5-årig masterutdanning
  • Nordisk språk og litteratur, masterprogram

Undervisningsspråk

Norsk eller eit anna skandinavisk språk.

Læringsutbytte

Etter fullført emne skal studenten

Kunnskap

  • ha avansert kunnskap om samtalens grunnleggande organiseringsprinsipp
  • ha inngåande kunnskap om samtalers funksjonar i ulike institusjonelle og personlege kontekstar
  • ha inngåande kunnskap om tilhøvet mellom språklege strukturar og kommunikative funksjonar i interaksjon

Ferdigheiter

  • kunne transkribere tale og andre kroppslege modalitetar
  • kunne analysere samtalar i ulike institusjonelle og mellommenneskelege kontekstar
  • kunne vurdere hensiktsmessigheita av ulike samtalestrategiar i relasjon til institusjonelle mål og retningslinjer

Generell kompetanse

  • kunne presentere samtaleanalytiske tema og problemstillingar til fagfellar og allmennta

Innhald

Samtalen er den mest grunnleggande forma for mellommenneskeleg kommunikasjon. Dette emnet tar opp dei grunnleggande prinsippa som organiserer samhandling mellom menneske i samtale. Det gjeld slike ting som kven som skal snakke når (turtaking), korleis handlingar utførast og organiserast sekvensielt, og korleis problem oppklarast og løysast (reparasjon). Emnet gir også ei innføring i korleis samtalar brukast i ulike kontekstar, frå den uformelle kvardagssamtalen til institusjonelle kontekstar, så som skolen, helsesektoren og media. I den forbindelse presenterast også studiar som viser korleis samtaleanalytisk kunnskap kan bidra til å forbetre kommunikasjon i ulike profesjonelle samanhengar. Videre blir det gitt ei innføring i relasjonen mellom språklege strukturar (ord og grammatiske konstruksjonar) og deira funksjoner i kommunikativ samhandling. Den sentrale teorien og metoden som nyttast er den etnometodologiske samtaleanalysen, Conversation Analysis. I tillegg blir det gitt ei innføring i den nærståande forskingstradisjonen interaksjonell lingvistikk.

Undervisnings- og læringsformer

Førelesingar, klassediskusjon og oppgåver med praktisk analyse av samtaleutdrag. Det blir lagt stor vekt på å bruke teoristoffet i praktisk analyse av eksempel frå ei rekke ulike kontekstar. Emnet har eit forventa arbeidsomfang på 400 timer.

Vilkår for å gå opp til eksamen

Godkjent individuelt skriftleg arbeidskrav. Nærare informasjon blir gitt i Canvas.

Eksamen

6 timars skriftleg eksamen under tilsyn, med alle fysiske hjelpemiddel tillatt. Valfri målform. Gradert karakter.

Studentevaluering

Emneansvarleg fastset i samråd med studenttillitsvalt evalueringsform og om emnet skal ha midtvegs- eller sluttevaluering i tråd med kvalitetssystemet kapittel 4.1.

Vert tilbydd som enkeltemne

Ja, med atterhald om ledig kapasitet.

Opptakskrav om tilbydd som enkeltemne

Som for masterprogrammet i Nordisk språk og litteratur.

Reduksjon i studiepoeng

Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:

Emne Studiepoengreduksjon
NOU424 – Samtaleanalyse - for utenlanske studenter. 15
Sist henta frå FS (Felles studentsystem) 15. okt. 2026 09:55:04