Innhaldsliste

Emnet er knytt til følgjande studieprogram

  • Lektorutdanning for trinn 8-13, 5-årig masterutdanning
  • Nordisk språk og litteratur, masterprogram

Undervisningsspråk

Norsk eller eit anna skandinavisk språk.

Læringsutbytte

Etter fullført emne skal studenten

Kunnskap

- ha avansert kunnskap om eit utval tekstorienterte, kontekstorienterte og lesarorienterte litteraturteoriar, og om korleis dei kan nyttast i litterære analyser

- ha inngåande kunnskap om litteraturfagets historie

- ha inngåande kunnskap om eit utval nordisk litterære tekstar i lys av relevante teoriar

Ferdigheiter

- kunne arbeide sjølvstendig med ulike teoriar i litterære analysar

- kunne vurdere og kritisere bruk av teoriar og metodar i faglege samanhengar

Generell kompetanse

- kunne bruke litteraturteoretiske kunnskapar og analytiske ferdigheiter i møte med relevante faglege utfordringar og med endringsprosessar i samfunnet

- kunne kommunisere om litteraturteoretiske problemstillingar, analysar og konklusjonar

Innhald

Om ein interesserer seg for diktekunst, vil ein før eller sidan spørje seg kva diktekunst eigentleg er. Det har folk gjort heilt sidan antikken, og med det spørsmålet begynner litteraturteorien. Dette emnet handlar om litteraturteori, og tar også opp faghistoriske tema. Her stillast grunnleggjande spørsmål som: Kva er dei viktigaste teoriane om litteratur, kva for tolkingstradisjonar har vi, og korleis kan vi vurdere kva som er god litteratur? Studentane skal lese og diskutere eit utval teoretiske originaltekstar og drøfte korleis dei kan nyttast i analyse av litteratur. Tekstutvalet omfattar både tekstorienterte, kontekstorienterte og lesarorienterte litteraturteoriar.

Undervisnings- og læringsformer

Forelesing og seminar. Studentane er aktivt med i diskusjonar og analysar, og byter på å presentere teoristoff. Emnet har eit forventa arbeidsomfang på 400 timar.

Eksamen

Individuell heimeeksamen (7 dagar). Eksamenssvaret skrivast på bokmål dersom masteroppgåva skal skrivast på nynorsk, og på nynorsk dersom masteroppgåva skal skrivast på bokmål. Gradert karakter.

Studentevaluering

Emneansvarleg fastset i samråd med studenttillitsvald evalueringsform og om emna skal ha midtvegs- eller sluttevaluering i tråd med kvalitetssystemet kapittel 4.1.

Vert tilbydd som enkeltemne

Ja, med atterhald om ledig plass og kapasitet.

Opptakskrav om tilbydd som enkeltemne

Som for opptak til masterprogrammet i nordisk språk og litteratur.

Reduksjon i studiepoeng

Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:

Emne Studiepoengreduksjon
NOU416 – Litteraturteori - for utenlandske studenter. 15
Sist henta frå FS (Felles studentsystem) 15. okt. 2026 09:54:53