SK-100 null (Haust 2024–Vår 2025)

Kunnskap

Etter fullført emne skal studenten

• ha kunnskap om skolebiblioteket som lærings- og danningsarena
• ha kunnskap om forsking om skolebibliotek og relevante grunnlagsdokument (lovverk og læreplanar)
• ha kunnskap om barne- og ungdomslitteratur
• ha kunnskap om forsking og relevante problemstillingar i møte med born og unge sin bruk av media
• ha kunnskap om grunnleggjande kunnskapsorganisering

Ferdigheiter

Etter fullført emne skal studenten

• kunne bruke skolebiblioteket i ulike arbeidsformer og metodar i undervisninga
• kunne bruke og vurdere ulike tekster, læremiddel og informasjonskjelder
• kunne administrere og drifte eit skolebibliotek

Generell kompetanse

Etter fullført emne skal studenten

• kunne sjå nye moglegheiter for bruk av skolebiblioteket som ein aktiv del av skolens læringsmiljø

Emnet SK-100 er delt inn i tre delar med omtrent likt omfang:

1. Skolebiblioteket i skolen sitt læringsmiljø

2. Bibliotekfagleg kunnskap

3. Litteratur- og mediekunnskap

Emnet går på deltid og over to semester. Det meste av undervisning og rettleiing går føre seg på ei digital læringsplattform. To friviljuge fellessamlingar, ei i kvart semester, blir arrangerte i Kristiansand.

Studentane vil møte varierte undervisnings- og rettleiingsformer på læringsplattforma, til dømes skjermopptak, video og skriftlege førelesingar.

Praksis: Studenten skal utføre eit praksisarbeid med omfang som tilsvarer om lag éi arbeidsveke. Praksisarbeidet skal dokumenterast i ein rapport som utgjer eitt av dei obligatoriske arbeidskrava i emnet.

Prosjektoppgåve: Studenten vel prosjektoppgåve i samråd med faglærar. Prosjektoppgåva kan med fordel ha karakter av FoU-arbeid, gjerne ved eigen skole. Prosjektoppgåva utgjer ein del av den avsluttande vurderinga, sjå Eksamen.

Emnet har eit forventa arbeidsomfang på 800 timar.

• Tre godkjende obligatoriske arbeidskrav må være godkjende før siste eksamen. Oversikt over desse vil liggje føre ved semesterstart.
• Ei obligatorisk rettleiing knytt til prosjektoppgåva.

Det blir gitt éin samanfattande, gradert karakter. Denne karakteren byggjer på følgjande komponentar (vektlegginga er oppgitt i brøk):

• Ei mappe (individuelt arbeid) med tre ulike skriftlege arbeid innanfor delen "Bibliotekfagleg kunnskap": ei praktisk oppgåve knytt til grunnleggjande innføring i biblioteksystem, ei oppgåve innan klassifisering, og ei oppgåve i form av eit blogginnlegg (1/3)
• Prosjektoppgåve innanfor delen "Skolebiblioteket i skolen sitt læringsmiljø" og "Litteratur og mediekunnskap" (2/3)

Mappeeksamenen har som oftast innleveringsfrist seint i høstsemesteret og prosjektoppgåva seint i vårsemesteret.