NO-158 Norsk for mellomtrinnet (Haust 2022)

Kunnskap

Etter fullført emne skal studenten

• ha omfattande kunnskap om språket som system og språket i bruk
• ha kunnskap om språkleg identitet, norsk som andrespråk og fleirspråkleg praksis
• ha kunnskap om samisk språk, litteratur og kultur
• ha kunnskap om kva som kjenneteiknar munnlege, skriftlege og multimodale tekstar, på nynorsk og bokmål, i ulike sjangrar og medium
• ha kunnskap om eit utval skjønnlitterære tekstar i ulike sjangrar og medium, for barn, unge og vaksne
• ha omfattande kunnskap om lesing, skriving og munnleg kommunikasjon, med vekt på vidareutvikling av grunnleggande ferdigheiter
• ha kunnskap om vurdering, nasjonale prøver og læremiddel, med vekt på mellomtrinnet
• ha kunnskap om relevant forsking- og utviklingsarbeid i norskfaget, med særleg vekt på emne relatert til norskundervisning på mellomtrinnet, og eit bevisst forhold til kva det vil seie å tenke vitskapleg i norskfaget

Ferdigheiter

Etter fullført emne skal studenten

• kunne analysere språk og språkbruk og gjere greie for faglege val som skal fremje munnleg og skriftleg språkutvikling, særleg på mellomtrinnet
• kunne bruke kunnskap om litteratur og språk i fagleg arbeid med munnlege, skriftlege og multimodale tekstar
• kunne planlegge, gjennomføre og evaluere elev- og klassesamtaler på mellomtrinnet
• kunne vurdere og bruke ulike metodar og ny teknologi i den vidare lese- og skriveopplæringa og tilpasse opplæringa for elevar med ulik bakgrunn og varierande ferdigheiter i norsk
• kunne legge til rette for at elevar på mellomtrinnet får lese og skrive sak- og fiksjonstekstar for ulike formål og i ulike sjangrar og medium
• kunne kjenne att teikn på lese- og skrivevanskar
• kunne planlegge, gjennomføre og vurdere arbeid med skjønnlitterære tekstar frå ulike perspektiv og for ulike formål på mellomtrinnet
• kunne vurdere ulike norskfaglege læremiddel, særleg for mellomtrinnet
• meistre skriftleg nynorsk og bokmål og kunne undervise elevar i begge målformer
• kunne finne fram til, lese og forstå relevant forskings- og utviklingsarbeid i norskfaget, med særleg vekt på emne relatert til norskundervisning på mellomtrinnet, og ta i bruk slike kjelder i eige arbeid med emnet
• ha utvikla profesjonsfagleg digital kompetanse med særleg fokus på relevant kompetanse for norskundervisning på mellomtrinnet

Generell kompetanse

Etter fullført emne skal studenten

• kunne legge til rette for at elevane på mellomtrinnet vidareutviklar grunnleggande språkferdigheiter og blir tekstkyndige språkbrukarar som kan delta aktivt i klasserommet og på andre sosiale arenaer
• kunne tileigne seg fagstoff og didaktiske arbeidsmåtar i faget gjennom estetiske læringsprosessar
• kunne planlegge, gjennomføre og reflektere over norskundervisning i sentrale emne på mellomtrinnet, og gjere greie for elev- og trinntilpassa fagdidaktiske val
• kunne vurdere eigen praksis på mellomtrinnet med gjeldande læreplanar, fagkunnskap og fagdidaktisk innsikt som grunnlag

Norsk for mellomtrinnet skal førebu studentane til norskundervisning for trinn 5-10, med vekt på mellomtrinnet. Emnet gir innføring i språklege og litterære emne, tekstval, fagdidaktisk kunnskap og variert arbeid med dei grunnleggande ferdigheitene, særleg munnleg kommunikasjon og den vidare lese- og skriveopplæringa for elevar med norsk som første- og andrespråk. Emnet presenterer studentane for aktuell forsking og vitskapleg tenking i faget. Ein legg dessutan vekt på at studentane skal utvikle sine eigne språkferdigheiter og eigen tekstkompetanse og formidlingsevne. Studentane vil få trening i akademisk skriving.

Faget i praksis

Gjennom arbeidet med emnet skal studentane tileigne seg eit godt fagleg grunnlag for å kunne planlegge, gjennomføre og evaluere norskundervisning på mellomtrinnet i grunnskolen. Studentane vil få praksisrelaterte oppgåver som skal gi øving i grundig fagdidaktisk refleksjon. Erfaringar studentane har gjort seg med norskfaget i praksisperioden vil vere viktige for arbeidet med emnet på campus.

Emnet er lagt opp med ulike undervisningsformer i større og mindre studentgrupper. Det blir lagt vekt på studentaktive arbeidsformer som gruppearbeid, munnlege framlegg og skriftlege studentarbeid.

Emnet legg opp til øvingar i refleksjon knytt til lesing og produksjon av digitale tekstar for å fremje utvikling av profesjonsfagleg digital kompetanse.

Det inngår 20 dagar praksis for grunnskulelærarstudentar i emnet. Enkeltemnestudentar skal utføre eit didaktisk arbeid av tilsvarande omfang.

Emnet har eit venta arbeidsomfang på 800 timar.

• 70% obligatorisk deltaking i undervisning i emnet (inkludert fellesamlingar). Kravet kan skjerpast innanfor bestemte tema som blir gjort kjende ved semesterstart.
• Godkjende obligatoriske arbeidskrav som går fram av oversikt gjort kjend ved semesterstart.
• Grunnskulelærarstudentar må ha bestått praksis. Enkeltemnestudentar skal utføre eit didaktisk arbeid av tilsvarande omfang, som må vere bestått.

• Ein individuell skriftleg eksamen under tilsyn på 6 timar med bokstavkarakter. Denne skal skrivast på bokmål.
• Individuell mappeeksamen med bokstavkarakter. Alle arbeid i mappa inngår i grunnlaget for karakteren. Tekstane i mappa skal skrivast på bokmål og nynorsk. Til utsett eksamen må kandidaten gjennomføre ein individuell heimeeksamen på to dagar med bokstavkarakter. Denne skal skrivast på nynorsk
• Individuell munnleg prøve med bokstavkarakter.

Dei tre eksamenane blir vekta likt i ein samla karakter.