Innhaldsliste

Undervisningsspråk

Norsk.

Læringsutbytte

Kunnskap

Etter fullført emne skal studenten

  • ha kunnskap om ulike sjangrar og teksttypar i fiksjonslitteratur for barn og unge, og ulike analytiske innfallsvinklar til slik litteratur
  • ha kunnskap om ulike typar fagtekstar for barn og unge og ulike analytiske innfallsvinklar til slike tekstar
  • ha kunnskap om ulike former for teori knytt til barne- og ungdomslitteraturen
  • ha kunnskap om film og andre visuelle tekstar for barn og ungdom
  • ha kunnskap om barn og unges lesepraksis og om undervisning i og formidling av barne- og ungdomslitteratur
  • ha kunnskap om vurdering av litteratur for barn og unge

Ferdigheiter

Etter fullført emne skal studenten

  • kunne analysere og vurdere barne- og ungdomslitteratur og andre tekstar for barn og unge, med basis i teori om slike tekstar
  • kunne formidle og undervise i barne- og ungdomslitteratur og andre tekstar for barn og unge

Generell kompetanse

Etter fullført emne skal studenten

  • kunne sjå nye moglegheiter for formidling av og undervisning i fiksjonstekstar og fagtekstar for barn og unge, i og i tilknyting til skolebiblioteket

Innhald

Studiet har to hovudtema:

• Nyare litteratur for barn og unge

• Leseutvikling og litteraturformidling

Undervisnings- og læringsformer

Studiet er organisert som eit nettstudium, på deltid over to semester. Det er eit integrert studium, og det blir gitt undervisning i dei to hovudtema i begge semester. Hovuddelen av undervisning og rettleiing føregår på ei digital læringsplattform. Studentane vil møte både førelesingar, bakgrunnsstoff, referansar og problemstillingar til diskusjon. To frivillige fellessamlingar, éi i kvart semester, blir arrangerte i Kristiansand. På samlingane er det både førelesingar om faglege emne og ekskursjonar til skolebibliotek. Emnet har eit forventa arbeidsomfang på 800 timer.

Vilkår for å gå opp til eksamen

Studentane må ha fått godkjent fire obligatoriske arbeidskrav i emnet. Oversikt over desse vil bli gitt ved studiestart.

Eksamen

Det blir gitt éin samanfattande, gradert karakter. Denne karakteren byggjer på følgjande to komponentar (vektlegging oppgitt i parentes):

  • individuell, skriftleg heimeeksamen på 14 dagar knytt til nyare litteratur for barn og unge (2/3)
  • individuell, skriftleg eksamen under tilsyn på 6 timar, knytt til leseutvikling og litteraturformidling (1/3)

Begge eksamensdelane blir arrangert i vårsemesteret; eksamenen på 6 timar vanlegvis tidleg i vårsemesteret og heimeeksamen i slutten av semesteret.

Studentevaluering

Emneansvarleg avgjer i samråd med studenttillitsvald evalueringsform og om emna skal ha midtvegs- eller sluttevaluering i tråd med kvalitetssystemet kapittel 4.1.

Reduksjon i studiepoeng

Innhaldet i dette emnet blir dekt heilt eller delvis av anna emne. Blir tatt eitt av desse emna i tillegg, blir studiepoenga reduserte som følgje:

Emne Studiepoengreduksjon
SK-901 – Skolebibliotekkunnskap 2: Barne- og ungdomslitteratur. 30
Sist henta frå FS (Felles studentsystem) 15. okt. 2026 12:59:48