Det overordna formålet med ordninga er å bidra til og leggje til rette for at UiA utviklar sterke og nasjonalt og internasjonalt anerkjende forskingsmiljø med solid gjennomslag i dei større, konkurransebaserte arenaene for forskingsfinansiering.
Ordninga skal bidra til dette formålet gjennom at universitetsstyret, saman med involverte fakultet, gjennomfører tidsavgrensa investeringar i sterke og ambisiøse forskingsmiljø ved UiA som oppfyller nærare visse kriterium. Investeringane skal sikre at dei utvalde forskingsmiljøa får særleg gode rammevilkår for å vidareutvikle og styrke kvalitet i forskinga si eller kunstnariske utviklingsarbeid, og dermed styrkjer gjennomslaget sitt i nasjonale og internasjonale konkurransearenaer.
Forskingsmiljø som blir valde ut til ordninga blir organiserte som forskingssenter og blir titulerte ’Prioritert forskingssenter ved Universitetet i Agder’ (UiA PRIFORSK).
UiA har for tida tre prioriterte forskingssenter:
- CIEM - Senter for integrert krisehåndtering
- CAIR - Senter for forskning på kunstig intelligens
- Mat og ernæring i et livsløpsperspektiv