Vedtatt av rektor 4.12.2024
Styringsgruppa har eit overordna ansvar for tilskotsordningane på UiA og har avgjerdsstyresmakt i forhold til
- å inngå partnarskapsavtalar med nettverka i regionen
- å prioritere bruken av akkumulerte- eller frie midlar som blir tilførte tilskotsordningane
- å behandle andre saker som blir sende til Styringsgruppen eller som naturleg høyrer inn under Styringsgruppens ansvarsområde
Styringsgruppa har eitt møte pr semester, ca. to veker før møta i Samarbeidsforum og elles ved behov.
Styringsgruppa skal
- sjå til at tilskotsordningane blir drivne i tråd med nasjonale retningslinjer for ordninga
- føre tilsyn med kvaliteten i tilskotsordningane gjennom årsrapporten for tilskotsordningane
- drøfte, behandle og vedta prinsipp knytte til avtaler, økonomi og ressursar
- drøfte, behandle og vedta oppfordringar knytte til faglege og strategisk utviklingsområde
- drøfte og behandle prinsipp knytte til formålstenleg organisering og strategisk forankring av tilskotsordningane på UiA
- drøfte og uttale seg i relevante saker som skal opp i Samarbeidsforum
- vedta UiAs representasjon i Samarbeidsforum og andre relevante eksterne fora
Samansetning og funksjonstid
Styringsgruppa blir leia av viserektor for utdanning. Styringsgruppa består av dekan for lærarutdanningane, dekan for fakultetet for humaniora og pedagogikk, to instituttleiarar, to utviklingspartnarar og ein fagforeiningsrepresentant. Vara for leiar er dekan for lærarutdanningane. Fagleg leiar førebur sakene og er referent for styringsgruppa. Funksjonstid for styremedlemene er fire år. Dei faste medlemene, viserektor for utdanning, dekan for lærarutdanningane og dekan for fakultetet for humaniora og pedagogikk følger funksjonstid i stillinga si, dei andre blir utnemnde. Dei faste medlemene av styringsgruppa speler inn forslag til oppnemning av nye representantar til rektor som vedtar endeleg samansetning av Styringsgruppa. Representasjonen skal vareta størst mogleg breidde blant dei fakulteta som bidrar inn i tilskotsordningane.