Fastsett av universitetsstyret 15.05.2019. Redaksjonelle endringar gjennomførte 25.10.2022 på bakgrunn av endringar etter ORG-19 og vedtak i universitetsstyret 16.06.2025.
Formål
1. Læringsmiljøutvalet (LMU) ved Universitetet i Agder sorterer direkte under universitetsstyret og skal bidra til at læringsmiljøet for studentane blir tilrettelagt på best mogleg måte, jf. føresegnene om læringsmiljø i lov om universiteter og høyskoler kapittel 10.
2. Med læringsmiljø blir forstått
- digitalt læringsmiljø
- fysisk læringsmiljø
- organisatorisk læringsmiljø
- pedagogisk læringsmiljø
- psykososialt læringsmiljø
Læringsmiljøutvalet (LMU) skal sjå til at studiesituasjonen blir tilrettelagd i samsvar med gjeldsande regelverk. LMU skal haldast orientert om, og sjølv kunne ta initiativ til innsamling av relevante data som gjeld læringsmiljøet til studentane. Det skal legggast vekt på at LMU blir informert tidleg i igangverande prosessar, og avdelingane og fakulteta ved universitetet skal aktivt søke LMUs syn og medverknad.
3. LMU skal i samsvar med lovas § 10-10 haldast orientert om klager som institusjonen får frå studentar som gjeld læringsmiljøet, og LMU kan gi utsegnar om slike forhold til universitetsstyret. LMU skal også gjerast kjent med eventuelle pålegg og enkeltvedtak som Arbeidstilsynet gjer med omsyn til læringsmiljøet til institusjonen.
4. LMU har eit rapporteringssystem som sikrar jamleg rapportering frå instansar og aktørar ved UiA som har noko å seie for læringsmiljøet. Rapporteringa skal danne grunnlag for ei systematisering av LMUs arbeid som kan inngå i UiAs kvalitetssystem.
5. LMU skal vere høgringinstans i saker som gjeld det heilskaplege læringsmiljøet ved universitetet.
6. For å sikre eit fullt forsvarleg læringsmiljø ved Universitetet i Agder, skal LMU ha dialog med utdanningsutvalet til universitetet i saker som berører begge utvala.
7. LMU skal årleg rapportere om arbeidet sitt til universitetsstyret. I rapporten kan det inngå ein handlingsplan som viser forslaget utvalet har til tiltak for betring av læringsmiljøet ved institusjonen.
Oppnemninga og samansetninga av utvalet
Læringsmiljøutvalet blir utnemnt for fire år av gongen, likevel slik at studentrepresentantane blir utnemnde for eitt år (studieår). Utvalet har følgande samansetning:
- Viserektor for utdanning
- Utdanningsdirektør/seksjonsleiar, Utdanningsavdelingen
- Økonomi- og campusdirektør/seksjonsleiar, Økonomi- og campusavdelinga
- 1 dekan
- 1 instituttleiar
- 1 studieleiar eller studieprogramleiar
- 6 studentar
Utvalet blir utnemnt av rektor. Det skal utnemnast personlege varamedlemer for representantane til dei tilsette. For studentrepresentantar blir utnemnde like mange varamedlemer som faste medlemer. Studentrepresentantane og varamedlemene deira blir utnemnde etter innstilling frå Studentparlamentet.
Utvalet vel etter universitets- og høyskoleloven § 10-10 kvart år leiger vekselvis blant representantane til dei tilsette og studentane.
Administrasjon
Utdanningsavdelinga er sekretariat for utvalet, og skal, etter samråd med leiaren i utvalet, førebu og gi tilråding i dei sakene som blir laga fram for utvalet. Det blir halde normalt fire møte i året.