– Vi er veldig glade for denne tildelinga. Vi ønskjer at alle skal ha same moglegheit, uansett studiestad, seier Sondre S. Bergane, innovasjonsrådgjevar i UiA Nyskaping.
UiA Nyskaping er universitetet sin støtteteneste for innovasjon blant studentar og tilsette. Tenesta skal sørgje for at studentar ved alle høgare utdanningsinstitusjonar i fylket får like moglegheiter til å utvikle eigne idear og starte bedrift.
Det blir no mogleg med ei tildeling på éin million kroner i året over tre år frå Sørlandet Kompetansefond.
Støtta har allereie gjort det mogleg å tilsette éin fulltidsrådgjevar og fire studentmedarbeidarar. Desse skal jobbe med rettleiing og oppfølging.
Prosjektet legg opp til tett samarbeid på tvers av campusar og fagområde.
– Når vi koplar studentar med ulik bakgrunn, oppstår det ofte heilt nye idear. Vi håpar å skape gode synergiar og styrkje det tverrfaglege samarbeidet, seier Bergane.