Om skolen
Adresse: Møllevannsveien 50, 4617 Kristiansand
Nettside: https://www.minskole.no/grim
Grim skole er ein rein ungdomsskole med godt og vel 450 elevar. Elevane kjem frå bydelane Eg, Kvadraturen, Grim, Tinnheia og Hellemyr. Skolen ligg ca. 2 km nord for Kristiansand sentrum. Du går eller køyrer riksveg 9 (Setesdalsveien) frå rundkøyringa på Gartnerløkka i sentrum, og tar til venstre ved Grim Torv. Skolen er nærmaste nabo til Grim kyrkje og Meny.
Grim-namnet kjem av det gamle gardsnamnet GROHEIM - garden som låg ved bekken Groa som rann ut frå Grotjønn. Namnet Groa betyr at bekken "grodde" - dvs. svulma veldig opp og fløymde over – i flaumtidene. Nå er bekken lagd i ein kulvert (ein slags tunnel) frå Suldalen, forbi Krossen og ned til Grim. Oppå kulverten er det ein sementert sykkelsti som blir kalla Kanalen. Heile det gamle Møllevannet er fylt ut, og i den nedste delen av det ligg nå Grim skole, Solholmen skole, Møllestua barnehage og Idda Arena. Gardsdrift er det lite igjen av, men det emblemet som du ser til venstre, er bumerket til gamle Grim gard og Grim skole logoen sin. Det er antakeleg fleire hundre år gammalt.
Grim som lærarutdanningsskole
Omtrent 35 studentar frå 4 GLU 5-10 gjennomfører praksisen i 7. – og 8.semester på Grim skole.