Skummel atmosfære
Stemninga blei sett av eit dinglande skjelett ved hovudinngangen, og i resepsjonen fira den gigantiske edderkoppen Edda seg ned frå taket. Store flaggermus sveva i taket over inngangen til hovudutstillinga, og tilsette hadde på seg skumle kostyme. Her var det klart for fest!
Skummelt og lærerikt
For dei minste var det ei rekke både spennande og skumle aktivitetar. Heile utstillinga i første etasje var mørklagd. Her var det gjort klart for «skjellettjakt». Barna fekk delt ut lommelykt, og det vanka premie for dei som klarte finne alle skjeletta i utstillinga.
I utstillinga i andre etasje kunne ein vere med på hovudskallequiz med ekte hovudskallar. Dei som var tøffe nok, fekk halde hovudskallane for å undersøke dei skikkeleg.
I aktivitetsrommet var det lageverkstad der både store og små deltok. Her kunne ein lage dekorative flygande spøkelse, spøkelseslys og flaggermus «sprellemenn» som flaksa med vengene.
Det var lageverksted på aktivitetsrommet for dem som torde gå inn!
I kaféen var det "skummel gele" og god stemning.
På hodeskallequiz var det premie til alle. Heldigvis var ikke Fantorangen eller julenissen riktige svaralternativer på quizen!
I god gang med å lage flaggermusprellemann!
Mange av barna hadde flotte kostymer, og viste stolt frem det de hadde laget.
Skjellettjakt i mørklagt utstilling var guffent både for store og små.
De som var tøffe nok fikk undersøke hodeskallene på nært hold.
Engasjerande foredrag for vaksne
Mens barnefamiliar koste seg med aktivitetane sine, var det sett opp interessante foredrag for vaksne. Geologen til naturmuseet, Tor Sigvald, sette standarden ved å troppe opp i eit spektakulært kostyme. Foredraget «Botanikk og geologi møter folketro, magi og fiksjon» haldt av Tor Sigvald, og botanikar, Malene Østreng Nygård, var så populært at det blei fullbooka i løpet av kort tid. Museet sette opp ekstra foredrag same dag, som også blei fullbooka svært raskt.
Sjølv om foredraget var sett til 60 minutt, var interessa og spørsmålsstraumen til publikum så stor at begge foredrag blei utvida med nesten 30 minutt!
Skumle delikatesser på Café Ginkgo
På Naturmuseets kafé, Café Ginkgo, var ingen stolar tomme! Så snart nokon reiste seg for å vere med på aktivitetar smatt ei ny rumpe ned på stolen. Og det var kanskje ikkje så rart, for her blei det servert "skummel gelé" og nysteikte sveler og vaflar.
Rekordmange besøkande og solskinn i botanisk hage
I løpet av fire timar kom omkring 500 besøkande til museet! Heldigvis var det herleg haustvêr i botanisk hage med strålande solskin. Så om ein trong ein liten tur ut med kaffikoppen før neste runde med skjellettjakt, kunne ein gjere dette mens haustens vakre farga bada i sollys.
Museumstilsette gler seg allereie til neste års feiring. Det blir spennande å sjå om museet klarer toppe årets eventyr!