Forskningsinfrastruktur ved UiA
På UiA tilbyr vi avansert forskingsinfrastruktur som legg til rette for banebrytande forsking og innovasjon. Her er ei oversikt over laboratoriar, datasenter og våre spesialiserte fasilitetar.
Kunstig intelligens: Superdatamaskiner
Centre for Artificial Intelligence Research (CAIR) ved UiA har investert i kraftige superdatamaskiner for å styrke forskinga si innan kunstig intelligens. Dei har totalt 14 slike maskiner, som kan utføre enorme mengder rekneoperasjonar på kort tid.
DSyNC: Laboratorium for hjerneforskning
DSyNC (Dynamical Systems Neuroscience Collaboratory) er eit laboratorium for hjerneforsking som blei etablert ved UiA i Kristiansand i 2022. Forskarane Hanne og Tor Stensola leier arbeidet.
CIEMlab: Krisehåndteringsteknologi
CIEMlab er ei såkalla "living lab" oppretta for å drive forsking og innovasjon i framtidas krisehandteringsteknologi. Eit levande laboratorium er eit brukarsentrert eksperimentelt miljø der brukarane er aktivt engasjerte i leiting, design og testing.
Mechatronics Innovation Lab
UiA er medeigar i MIL, som tilbyr teknologi, testutstyr og kompetanse for innovasjon innan mekatronikk og tilhøyrande fagdisiplinar: Robotikk, sensorikk, autonomi, kunstig intelligens, virtuell røynd og industriell 3D-printing.
Katapultsenter: Future Materials
UiA er med i Future Materials, eit nasjonalt utviklings- og testsenter for materialar. Her har vi testfasilitetar, kompetanse og nettverk for å utvikle berekraftige, avanserte materialar til bedrifta sine eksisterande og nye produkt.
Laboratorium innan ingeniørvitskap
UiA har fleire laboratorium innan mekatronikk, bygg, fornybar energi og materialar.
Senter for e-helse
I i4Helse-bygget på Campus Grimstad finn du moderne laboratorie-, simulerings- og testfasilitetar. Laboratoria blir brukte både til forsking, undervisning og testing av e-helse produkt og -løysingar.
UiA Motion Lab
Dette er eit innandørs laboratorium for offshore-mekatronikk, med to Stewart-plattformer og ein industrirobot montert på den større plattforma for å simulere scenarium med løfting og handtering mellom fartøy.
Akademisk e-sport-lab
Dette laboratoriet er designa både for å undervise i akademisk e-sport og trene, konkurrere og jobbe aktivt med gaming og undervisning. Her finn du 30 fullverdige high-end gaming setups, konfigurert for alt av gaming, inkludert det nyaste i e-sport, strøyming og videoredigering/produksjon.
Laboratorium for eksperimentell lingvistikk
The Experimental Linguistics Laboratory (ELL) er utstyrt for å utføre forsking ved bruk av augesporing, EEG og åtferdsmetodologiar.
Simulering- og klinikklaboratorium
Ved institutt for helse- og sjukepleievitskap har vi moderne klinikklaboratorium med tilhøyrande simuleringsavdeling på begge campusar. Laboratoria blir brukte til undervisning, ferdigheitstrening, simulering, kurs og tverrfagleg samarbeid.
Laboratorie-, trenings- og testfasilitetar
Ved institutt for idrettsvitskap og kroppsøving har vi toppmoderne laboratorie-, trenings- og testfasilitetar innan både uthald, kraft-styrke, basis-motorikk, kroppsanalyse og ultralyd. Vi har ein stor utstyrspark som held høg vitskapleg standard.
KODEM: Koordinerte online-panel
Gjennom KODEM kan forskarar stille dei same spørsmåla i fire ulike sub-populasjonar på same tid. Dette er eit pilotprosjekt for forsking på demokrati og styresett i Noreg.
Tekstlab: TRAWL Corpus
TRAWL Corpus (Tracking Written Learner Language) er eit langsgåande og fleirspråkleg korpus for unge lærarar med autentisk skuletekstar skrivne av elevar i norske skular.
I tillegg har vi også:
- Future Interaction Lab - avansert laboratorium for XR og multimedia
- Elektronikklab - utstyr og måleinstrumentar til undervisning på ingeniørutdanninga i elektronikk
- Infrastruktur for forsking og undervisning i naturvitskap
- Musikk, visuell kunst og teater - fleire rom og variert utstyr for utøving og forsking
- Video- og lydstudio med fleire redigeringsrom, for profesjonelle videoproduksjonar
- Biosensorteknologi-utstyr - til forsking på undervisnings- og læringsprosessar
Meir om forskingsinfrastruktur på Forskningsrådets nettsider