Tidleg svar

Søknadsfristen for å få et tidleg svar på søknaden din er 1. mars og du får svar 20. april hvis du søkjer gjennom Lokalt opptak, og 20. mai gjennom Samordna Opptak.

Du må fylle opptakskrava på søknadstidspunktet. Det er ikkje mogleg å søkje tidleg opptak om du skal ettersende dokumentasjon. 

Du må ha ein poengsum som syner at du med god margin ville ha kome inn ved opptaket i fjor.

Du kan søkje å få et tidlleg svar om du kan dokumentere at:

• Du er i jobb og må si den opp, eller søkje permisjon. Dette kan du dokumentere med ein attest frå arbeidsgjevar om oppseiingstid/permisjon. Du kan også dokumentere det med arbeidskontrakt og lønsslipp frå den siste månaden.
• Du er sjølvstendig næringsdrivande og skal avslutte verksemd på grunn av studiar. Du dokumenterer dette med attest frå Skatteetaten eller føretaksregister om sjølvstendig næringsverksemd.
• Du har barn som treng barnehageplass eller må bytte skole. Du dokumenterer dette med ein bustadattest frå Skatteetaten for deg og barna dine.
• Du må flytte med familie. Du dokumenterer dette med ein bustadattest frå Skatteetaten for deg og ektefellen din.
• Du treng sæskild tilrettelegging på universitetet. Du dokumenterer dette med attest frå ein sakkunnig.  Ta kontakt med tilretteleggingskontoret for meir informasjon. 
• Du treng opphaldsløyve for å studere. Dette gjeld deg som har mellombels opphaldsløyve. Dette dokumenterer du ved å sende inn ein kopi av relevante sider i passet eller kort for oppholdsløyve.