– Eg tek med meg mykje kunnskap frå utvekslingsopphaldet

Hvorfor valgte du å dra på utveksling?

Eg har jamt hatt lyst til å oppleve eit anna land på nært hald og syntast difor at utveksling høyrdes ut som den perfekte måten å gjere dette på. Samtidig meiner eg at det å ha eit semester utanlands vil vere ein fordel for meg når eg seinare skal søkje arbeid, særleg då eg har vald engelsk som hovudfag i lektorprogrammet. I tillegg til dette så har eg hatt eit ynskje om å flytte til Storbritannia i fleire år, og det var difor inga tvil når eg fekk valet om å reise på utveksling til England.

Hva er det som gjør Newcastle University spesiell?

Det som gjer Newcastle University spesielt er kvaliteta på forelesarane, samt deira evne til å nytte lokale døme i undervisninga for å engasjere studentane. I tillegg opplevde eg alle på universitetet som svært imøtekomande og hjelpsame, noko som gjorde utvekslingsopphaldet til ei trygg og god oppleving.

Hvordan var studiene dine på Newcastle University?

Studiane mine ved Newcastle University var, særleg samanlikna med studiane i Noreg, veldig intens. Dette har nok mykje å gjere med at studieperioden min her i England var kortare enn det eg er vane med, då me ikkje byrja med undervisning før fyrste veka i oktober. Samtidig så er all undervisning obligatorisk, og det vart forventa at studentane deltok i studiegrupper utanom vanleg undervisning. Dette kan eg innrømme var slitsamt til tider, men samtidig så meiner eg det er ein god måte å kome inn i studiane på, og det er også positivt for den sosiale sida av studiane. Derfor syntast eg at studietida i Newcastle har vore veldig lærerik, og eg sit at med ei god oppleving av studiane ved utvekslingssintitusjonen.

Hva tar du med deg videre fra utvekslingen som du ikke ville fått i Norge?

Vidare frå utvekslingsopphaldet i England tek eg med meg mykje kunnskap, ikkje berre om engelsk litteratur og språk, men også kunnskap om den engelske kulturen. Det er noko heilt spesielt med det å oppleve kultur og skikk på nært hald, og ein får ei heilt anna oppleving enn ein ville fått av å lære om det heime. Samtidig tek eg med meg nye vennskap og relasjonar, då utvekslingsopphaldet har gjeve meg høve til å bli kjend med menneske frå andre stader i verda, og eg har på denne måten lært om andre kulturar enn den engelske, og sett korleis menneske frå ulike land kjem sammen i nye omgivingar.