Valstyret ved Universitetet i Agder kunngjer med dette til val av rektor og prorektor for Universtietet i Agder for perioden 1. august 2023 – 31. juli 2027.
Viktige datoar:
28. november: Valet blir lyst ut
28. november – 19. desember: Manntalet for tilsatte vert lagt ut og kan sjekkast
2. – 22. januar: Periode for å hente inn kandidatar (4 veker før første valdag)
23. januar – 7. februar: Valkamp
Veke 6: presentasjon av kandidatane (internt på UiA ved opne møte i regi av Valstyret)
8. – 19. februar: Studentmantalet og oppdatert manntal for tilsette vert lagt ut
19. februar: Klagefrist på manntalet
20. – 26. februar: Første valomgang
6. – 10. mars: Ev. andre valomgang
Klagefrist på valet er ei veke etter kunngjort resultat
Kven kan veljast?
(Full tekst, sjå valforskrifta til universitetet, HER!)
Rektor og prorektor blir vald under eitt. Namn på rektor- og prorektorkandidatar må fremjast for valstyret seinast fire veker før første valdag. Eit forslag skal innehalda både rektor- og prorektorkandidat.
For å stilla som kandidat må ein for begge verva vera forslått av ei gruppe på minst 10 personar med røysterett i valet. Studentar som vil foreslå kandidatar må betale semesteravgift i januar og framvise kvittering på betalt semesteravgift. Vidare må kandidatar:
• ha faglege kvalifikasjonskrav på førstestillingnivå
• dokumentere leiarerfaring som dekan eller instituttleiar frå ein akademisk institusjon, eventuelt frå annan leiarstilling i eller utanfor akademia som inkluderer økonomisk ansvar og oppfølging av personar
• snakke og skrive eit skandinavisk språk vel
(Meir om korleis ein fremjar kandidatar finn du HER!)
Kven kan røysta?
(For full tekst sjå valforskrifta til universitetet, HER!)
• Den som er tilsett eller engasjert av tilsetjingsutvalet eller tilsetjingsrådet ved universitetet i minst ei halv stilling, og som har starta i stillinga seinast valdagen, har røysterett.
• Den som har tilsetjingsforhold som varar mindre enn eit år frå og med valdagen, har berre røysterett når tilsetjingsforholdet har vara minst eit år før valdagen.
• Når universitetet står som arbeidsgivar, har tilsetja røysterett, uavhengig av finansieringskjelde.
• Tilsetja i under halv stilling har røysterett når han eller ho har vore tilsett samanhengande ved universitetet i minst to år fram til valdagen.
• Studentar som er registrerte og har betalt semesteravgift for semesteret valet vert halde i, har røysterett.
Kva om eg ikkje får tilgang til valsida og ikkje får røysta?
Alle skal få røysta. Sjekk fyrst manntalet. Om du står i manntalet og ikkje får tilgang til den elektroniske røystesida eller ikkje får røyst, kan du levera røysta i lukka konvolutt til sekretæren i valstyret, Elin Gauslaa, A6 på Campus Kristiansand, seinast når røysteperioden går ut.