Det nye universitetsstyret er i gang
Universitetsstyret har hatt sitt første møte i den nye rektor- og styreperioden.
Styret samla seg til eit todagars seminar som vart avslutta med universitetsstyremøte i Mandal.
Den første dagen gjekk med til å gi styremedlemmene ei innføring i dei viktigaste delane av universitetsverksemda, og å sjå framover på både dei moglegheitene og utfordringar universitetet står overfor.
Her er det nye styret
- Sunniva Whittaker, rektor og styreleiar
- Professor Gro-Renée Rambø og førsteamanuensis Ronald Mayora Synnes, valt av fast tilsette i undervisnings- og forskarstilling.
- Rådgivar Thomas Eikeland Fiskå, valt av teknisk/administrativt personale.
- Stipendiat Elin Maria Berg, valt av mellombels tilsette i undervisnings- og forskarstilling.
- Marie Winge Nørvåg og Thor Eivind Forberg, valt av studentane.
- Eksterne medlemmer inkluderer Sigrun Gjerløw Aasland (dagleg leiar i ZERO, Geir Bergskaug (konsernsjef i Sparebanken Sør) og Ole Falk Hansen (konsernsjef i Nekkar.
*Kunnskapsdepartementet skal supplere styret med ytterlegare éin ekstern medlem då ein utnemnd medlem har trekt seg.
Tilsette dekanar
Dei sakene det nok knyter seg mest spenning til er tilsetjing av sju nye dekanar for perioden 2024-2027. Dekanane er øvste leiar i fakulteta og Avdeling for lærarutdanning frå nyttår.
Tilsetjing vart vedteken i alle sju stillingane, og universitetet reknar med å offentleggjere desse i løpet av nokre dagar på uia.no.
Andre saker som vart behandla i møtet 13. september 2023:
- Styret utnemnde representantar til internrevisjonsutvalet, eit utval som skal fastsetje lønn for rektor og universitetsdirektør og Likestillings- og inkluderingsutvalet
- Dekan Anders Johan Wickstrøm Andersen vart utnemnd til ny leiar av skikkethetsnemnda ved UIA
- Styret vart orientert om studentopptak og studenttal
- Møtedatoar for 2024 vart sett:
- Onsdag 31. januar
- Onsdag 6. – torsdag 7. mars (dialogmøte med fakulteta og styremøte)
- Onsdag 8. mai
- Onsdag 19. juni
- Tysdag 10. – 11. september (styreseminar og styremøte)
- Onsdag 16. oktober
- Onsdag 20. november