Fjellplanter utom Agder
Blåmjelt
Blåmjelt (Astragalus norvegicus) har ein særmerkt blåfarge på blomane. Blomestanden er avlang. Veks på baserik (kalkrik) grunn i fjellet frå Hedmark og Oppland til Finnmark.
Dovrerublom
Dovrerublom (Draba glabella var. dovrensis) høyrer til ein lokal rase som berre er kjend frå fjellet i Hedmark, Oppland, Sogn og Fjordane, Møre og Romsdal og Sør-Trøndelag.
Fjellnøkleblom
Fjellnøkleblom (Primula scandinavica) blømer tidleg i Ljosland fjellhage. Heile planta er kvitmjøla. Vakker. Veks på baserik (kalkrik) grunn i fjellet. Truleg berre i Skandinavia (ikkje Agder). NT (nær truet) på den norske rødlista (2010).
Kalkarve
Kalkarve (Arenaria pseudofrigida) har ei nordaustleg utbreiing på Varangerhalvøya i Finnmark og på Svalbard. Kalkkrevjande. NT (nær truet) på den norske rødlista (2010).
Kolavalmue
Kolavalmue (Papaver lapponicum) er ei særs dekorativ fjellvalmue, men kronblada fell tidleg av etter bløminga. Fins berre nokre få stadar i Kvænangen (Troms) og Alta (Finnmark). EN (sterkt truet) på den norske rødlista (2010).
Norsk malurt
Norsk malurt (Artemisia norvegica) høyrer heime i same slekt som dei gamle, innførte kulturplantene ekte malurt, burot, estragon og abrodd. Men norsk malurt er ein ekte vill fjellplante i Noreg, med ei sørleg utbreiing i fjellet. Ikkje Agder. VU (sårbar) på den norske rødlista (2010).
Nålearve
Nålearve (Minuartia rubella) veks på baserik (kalkrik) grunn i fjellet, i sør frå Hordaland, Oppland, Hedmark, Møre og Romsdal og Sør-Trøndelag, i nord frå Nordland til Finnmark. Vanleg på Svalbard.
Polarflokk
Polarflokk (Polemonium boreale) er i dag berre kjend frå ein plass på fastlandet i Noreg: Bugøynes kyrkjegard i Finnmark der dette biletet er teke i 2008. CR (kritisk truet) på den norske rødlista (2010).
Reinmjelt
Reinmjelt (Oxytropis lapponica) veks på baserik (kalkrik) grunn i fjellet frå Hedmark, Oppland, Buskerud og Hordaland til Finnmark.
Sibirkoll
Sibirkoll (Armeria scabra) er ikkje så fargerik som fjørekollen (strandnellik) på svaberga. Sibirkollen er ei nordleg fjellplante som berre veks i Troms og Finnmark.
Skredrublom
Skredrublom (Draba glabella var. glabella) har ei nokså vid utbreiing i fjellet frå Hedmark og nordover til Finnmark. Også på Svalbard.