Utlånsreglement for Universitetsbiblioteket i Agder (UBA)
Universitetsbiblioteket forutset at utlånsreglementet er kjent av lånaren. Brot på regelverket kan føre til tap av låneretten.
Generelt
Universitetsbiblioteket er eit bibliotek for forsking og studium i landsdelen. Universitetsbiblioteket skal primært dekkje behova for bibliotektenester til studentar og tillsette ved Universitetet i Agder. Biblioteket er også ope for eksterne brukarar som har behov for tenester frå eit fagbibliotek.
Vanleg utlånstid for studentar og personar utan tilknytting til UiA, er 60 dagar. Dei kan fornye boklån ein gong før boka må leverast. Lånetida for tilsette er 150 dagar. Dei kan fornye boklån to gongar.
Når du låner bøker med venteliste, er lånetida berre sju dagar. Viss andre reserverer medan du lånar, får du ti dagar på å levere.
Merk at nokre dokumenttypar, til dømes filmar og tidsskrifthefte, berre har sju dagars lånetid. Desse låna kan ikkje fornyast.
Biblioteket kan fastsetje anna utlånstid for delar av samlingane eller unndra materiale frå utlån. For litteratur som er lånt inn frå eit anna bibliotek, gjeld eigarbiblioteket sine reglar for utlån og erstatning.
Purringar og erstatningsgebyr
Ein lånar er personleg ansvarleg for lånt materiale, at det vert levert i god stand og innan utlånstida går ut.
Vi minner om innlevering på forfallsdatoen. Viss du ikkje leverer, sender vi purring, varsel om erstatningsgebyr og til sist erstatningsgebyret (også kalla "krav"). Påminninga og innkallingane får du som e-post, nokre også som sms. Kva frekvens e-postane kjem med, avhenger av utlånstida for det einskilde dokumentet. Ei bok som berre er til dagslån, vil til dømes raskare få eit erstatningsgebyr enn ei bok som kan lånast i 60 dagar. Når eit lån er fleire veker forsinka, får du lånestopp.
Meldinga om erstatningsgebyr inneheld ikkje betalingsinformasjon. Rekninga vert sendt nokre dagar seinare og er på 600 kr per dokument. Vi godtek ikkje eit nytt eksemplar som erstatning. For innlånte dokument gjeld eigarbiblioteket sine satsar. Særskilt verdifulle verk skal erstattast fullt ut.
Statusen på lån og bestillingar ser du når du loggar på Oria. Ein gong i månaden får du også tilsendt ein e-post med oversyn over låna dine. Om du ikkje mottar e-postar, ber vi om at du sjekkar søppelkorga og godtek avsendaren (noreply@bibsys.no).