Studentar som er på campus nokså sporadisk, til dømes på samlingar, kan få status som fjernstudent. Om du er fjernstudent, kan du få tilsendt litteratur til biblioteket der du bur. Det er gratis.
Kontakt oss om det er aktuelt. Hugs også å avtale med nærbiblioteket ditt.
Det lokale biblioteket vil ringe deg eller sende deg ein epost når dei får eit dokument som du har bestilt.
Filmar (dvd) kan verte skadde under transport, så det sender vi ikkje.
Du kan også levere dokumentet på det lokale biblioteket, men lånet vert ikkje returnert frå kontoen din før dokumentet er attende på Universitetsbiblioteket i Agder (UBA). Nærbiblioteket har ikkje noko ansvar for låna dine. Du får difor ikkje kvittering når du leverer her. Lånet vert først fjerna frå kontoen din når boka kjem attende til UBA.
Bøker som vi har lånt inn til deg frå andre bibliotek, skal sendast til UBA, ikkje direkte til eigarbiblioteket.