Reglar for undervisning og eksamen i ph.d.-emne

This page in English

Dei viktigaste er:

• Lov om universitet og høgskolar (U&H-loven)
• Forskrift om studiar og eksamen ved Universitetet i Agder
• Forskrift om graden ph.d. ved Universitetet i Agder
• Utfyllande reglar for ph.d.-graden i matematikkdidaktikk ved Universitetet i Agder
• Utfyllande reglar for ph.d.-graden i mobile kommunikasjonssystem: nettverk, sikkerheit og formelle metodar ved Universitetet i Agder
• Utfyllande reglar for ph.d.-gradene i IKT og mekatronikk ved Universitetet i Agder: ph.d. IKT og mekatronikk - Du har ikke tilgang til å se dette objektet.

Andre aktuelle lover, forskrifter og retningslinjer finnast i reglementshandboka.

I tillegg skal all undervisning og vurdering gjennomførast i samsvar med den godkjende studieplanen inkludert emnebeskrivingar for ph.d.-programmet.

• Informasjon om doktorgradsprogram i matematikkdidaktikk
• Informasjon om doktorgradsprogram i IKT og mobile kommunikasjonssystem
• Informasjon om doktorgradsprogram i mekatronikk

Dei viktigaste reglane som faglærarar, kandidatar og administrasjon må ta stilling til utover studieplanen, er lista opp her:

• Den munnlege delen av eksamenar og prøver skal vere offentleg med mindre omsynet til gjennomføringa av eksamenen eller prøva tilseier noko anna. Styret kan gjere unntak. (U&H-loven, § 3-9 (3))
  Merk at eksamenskontoret fastset eksamensdatoar og kunngjer eksamen. (Utfyllende regler for eksamener og prøver, Kap. 6)
• Studenten har rett til å få ei grunngiving for karakterfastsettinga av prestasjonane sine. Ved munnleg eksamen eller bedømming av praktiske ferdigheiter må krav om slik grunngiving settast fram umiddelbart etter at karakteren er kunngjort. (U&H-loven, § 5-3 (1))
• Bedømming av munnleg prestasjon og vurdering av praksisopplæring eller liknande som etter sin art ikkje lar seg etterprøve, kan ikkje påklagast. (U&H-loven, § 5-3 (5))
• Ved sensur av opplæringsdelen i ph.d.-programmet skal det normalt nyttast ekstern sensor. (Forskrift om studier og eksamen ved UiA, § 37, 4))
  Merk at det er fakultetsstyret sjølv (dvs. fakultetsstyret kan ikkje delegere) som nemner opp sensorar og vedtar eventuelle unntak frå hovudregelen om bruk av ekstern sensor i opplæringsdelen i ph.d.-program. (Forskrift om studier og eksamen ved UiA, § 37, 9) og 10))
• Ved eksaminasjon i det teoretiske pensumet blir prestasjonen vurdert til bestått eller ikkje bestått, der bestått tilsvarar karakteren B eller betre. (Utfyllende regler for de to ph.d.-programmene)
• Dersom tidlegare avlagte eksamenar skal brukast som del av det teoretiske pensumet, skal det dokumenterast at dei er teke med tilfredsstillande resultat. Eksamenar som ved opptak er eldre enn 5 år, kan normalt ikkje inngå i opplæringsdelen. (Utfyllende regler for begge de to ph.d.-programmene)
• Dersom kandidaten ikkje består ei av delprøvene i opplæringsdelen, kan ny prøve avleggjast tidligast i det påfølgande semesteret. (Utfyllende regler for begge ph.d.-programmene)

Følgjande konverteringstabell er vedtatt av fakultetsstyret 05.10.09 (TR-sak 49/09) og tilrådd brukt av Nasjonalt råd for teknologisk utdanning for bruk i teknologisk utdanning:

Karakter	%-poenggrenser
A	90 til og med 100
B	80 til og med 89
C	60 til og med 79
D	50 til og med 59
E	40 til og med 49
F	39 poeng eller dårligare

Ved sensur etter %-poengmetoden bør derfor grensa for ikkje bestått liggje på 80 %-poeng for ph.d.-emne.

Universitets- og høgskolerådets rettleiing om %-poengmetoden kan lesast i sin heilskap på http://www.uhr.no/documents/Prosentpoengmetoden_2006_rev.pdf

Ph.d.-program i mekatronikk, hovudside