LØYVINGAR OVER STATSBUDSJETTET

Universitet og høgskular i Noreg får ei tredelt løyving over statsbudsjettet. Basisbidraget utgjer i overkant av 60 % av det totale statsbudsjettbidraget for sektoren. Undervisningskomponenten utgjer i underkant av 25 % av den totale løyvinga, og forskingskomponenten ca. 15 %. For universiteta i Oslo, Bergen, Trondheim (NTNU), Tromsø og Ås (UMB) utgjer forskingskomponenten ein monaleg større del (ca. 25 %) enn for universiteta i Agder og Stavanger, og høgskulane.

Basisbidraget byggjer for dei einskilde institusjonane på meir skjønsmessige og historiske vurderingar, undervisningskomponenten er i det vesentlege ein konsekvens av studiepoengsproduksjon i ulike kostnadskategoriar, mens forskingskomponenten dels er "strategiske midlar" og ein resultatbasert fordeling innanfor sektoren. Sjå elles økonomiavdelinga si forklaring av budsjettfordelingsmodellane.

For budsjettåra 2006 - 2009 har Universitetet i Agder / Høgskolen i Agder fått slike løyvingar i forslaget til statsbudsjett (St.prp.1):

(tal i mill. kr. I parentes endring frå føregåande år)
Budsjettår	Basis	Undervising	Forsking	Samla
2006	440	186	30	656
2007	460 (+4,3%)	191 (+3,0%)	34 (+11,7%)	685 (+4,3%)
2008	484 (+5,2%)	202 (+5,8%)	47 (+38,2%)	733 (+7,0%)
2009	508 (+5,0%)	209 (+3,5%)	42 (-10,6%)	759 (+3,5%)

Samanliknande tal for heile universitets- og høgskulesektoren er slik:

(tal i mill. kr. I parentes endring frå føregåande år)
Budsjettår	Basis	Undervising	Forsking	Samla
2006	11.613	4.620	2.747	18.981
2007	11.865 (+2,1%)	4.871 (+5,1%)	2.955 (+7,0%)	19.692 (+3,6%)
2008	12.577 (+5,7%)	5.134 (+5,1%)	3.194 (+7,5%)	20.905 (+5,8%)
2009	13.470 (+7,1%)	5.319 (+3,6%)	3.497 (+9,5%)	22.285 (+6,6%)

Publisert av webredaksjonen <webredaksjonSPAMFILTER@uia.no> 31.05.2010

Del/Tips:

Fleire tal

Norsk samfunnsvitskapleg datateneste samlar tal for universitets- og høgskulesektoren i Noreg i ein eigen database, Database for statistikk om høgare utdanning (DBH). Basen inneheld tal for einskilde institusjonar heilt tilbake til 1981. Universitetet i Agder / Høgskolen i Agder har registrert tal frå 1995.