Leiing og administrasjon

Universitetet i Agder har valt rektor og tilsett universitetsdirektør. Universitetet vert leidd av styret, med eit fleirtal av medlemmene valt av tilsette og studentar, og eit mindretal eksterne medlemmer, peika ut av Kunnskapsdepartementet.

Administrasjonen og støttetenestene ved universitetet er organiserte etter vedtak i styret for Høgskolen i Agder 28. mars 2007, og vart gjort gjeldande frå 1. august. Universitetet vert i den daglege drifta leidd av rektor (med viserektorar) og universitetsdirektøren (med assisterande universitetsdirektør). Til leiinga er det knytta eit mindre sekretariat.

Formidlingseininga, forskingssekretariatet og studiesekretariatet har i særleg grad strategisk ansvar og ansvar for utvikling på sine område.

Stabs- og driftstenestene er organiserte i einingar for økonomi, personal, IKT- og medietenester, internasjonalisering, studentservice, marknad og rekruttering, drift av bygningar, og Universitetsbiblioteket.

Publisert av webredaksjonen <webredaksjonSPAMFILTER@uia.no> 19.05.2011
Del/Tips: Printfriendly version

_