Det sentrale forskingsutvalet ved Universitetet i Agder

Funksjon

Det sentrale forskingsutvalet er styret sitt rådgjevande og utøvande organ i saker som gjeld forsking, utviklingsarbeid, formidling og nyskaping.

Mandat

Det sentrale forskingsutvalet uttaler seg til styret ved Universitetet i Agder om saker som gjeld

• forsking og utvikling
• formidling og samfunnskontakt
• kommersialisering av forskingsresultat
• samarbeid med randsona
• kvalitetssikringssystem for forsking, utviklingsarbeid og forskarutdanning
• fordeling av stipendiatar finansiert av Kunnskapsdepartementet
• budsjettmodell for fordeling av FoU-midlar til fakulteta
• forholdet til strategisk viktige aktørar og samarbeidspartnarar i regionen, både i offentleg og privat sektor
• ekstern finansiering av forsking og utvikling

Det sentrale forskingsutvalet fattar vedtak i saker som gjeld

• fordeling av midlar der styret har delegert dette til det sentrale forskingsutvalet
• oppfølging av institusjonelt og fakultetsovergripande samarbeid om forsking og utviklingsarbeid innanfor vedtekne budsjettrammer
• prioritering av søknader til Noregs forskingsråd når det er krav om at institusjonen skal prioritere
• nedsetting av utval som skal legge fram instilling til Det sentrale forskingsutvalet der utvalet finn det hensiktsmessig
• oppfølging av kvalitetssikringssystemet i samsvar med vedtak i styret

Forskingsutvalet skal også

• arbeide for å styrke FoU-aktiviteten ved universitetet
• bidra til å styrke kontakten med nasjonale og internasjonale forskingsmiljø
• ta opp forskingsetiske problemstillingar
• arbeide for betre kjønnsmessig balanse innan forsking
• vere eit koordinerande organ mellom universitetet sentralt og fakulteta i saker som gjeld forsking og utviklingsarbeid

Samansetjing av utvalet

Medlemmar av utvalet er:

• viserektor for forsking, formidling og nyskaping, leiar for utvalet
• ein representant frå kvart fakultet, valt av fakultetsstyret
• ein representant frå Avdeling for lærarutdanning, valt av avdelingsstyret
• ein representant for ph.d.-kandidatane ved Universitetet i Agder. Stemmerett har alle ph.d.-kandidatar som er tilsett ved Universitetet i Agder eller er opptekne på eit ph.d.-program ved UiA. Valbare er kandidatar som har sin daglege arbeidsplass ved universitetet.

Utvalet vel blant sine medlemmar ein person som leiar møta når viserektor har forfall.

Observatørar med talerett er:

• bibliotekdirekøren
• informasjonssjefen
• direktøren for Agderforsking

Representantane for fakulteta og for Avdeling for lærarutdanning skal ha to personlege vararepresentantar oppnemnde av fakultetsstyret/avdelingsstyret.

Ph.d-kandidatane kan velje inntil to vararepresentantar.

Funksjonstida for representantane og vararepresentantane for fakulteta og for Avdeling for lærarutdanning er normalt fire år og følgjer valperioden for dekanane

Valperioden for representanten og vararepresentantane for stipendiatane er eitt år med høve til attval for ein periode.

Forskingsdirektøren er sekretær for Det sentrale forskingsutvalet og fremmar i samråd med viserektor for forsking, utvikling og nyskaping saker for utvalet.

Del/Tips: