UiA, UiS og HiT får 1/2 mill. til internasjonalisering
Kunnskapsdepartementet har løyvt til saman 2,5 millionar kroner til 5 prosjekt som skal fremje internasjonaliseringa i korte profesjonsutdanningar.
Region SørVest, som omfattar Universitetet i Stavanger, Universitetet i Agder og Høgskolen i Telemark, har fått 500 000 kroner til eit prosjekt om utvikling av internasjonaliseringsavtalar for studentar i grunnskulelærarutdanningane. Studentane skal i dette prosjektet også få tilgang til dei ulike moglegheitene for internasjonalisering innan grunnskulelærarutdanningane i Telemark, Agder og Rogaland. Gode modellar for internasjonalisering skal utviklast, blant anna ved at norske studentar kan få følgje av norske lærarar ved utanlandsopphald.
Diakonhjemmet høgskole (sjukepleiarutdanning), Oslofjordalliansen ((Høgskolen i Vestfold, Høgskolen i Buskerud, Høgskolen i Østfold og Universitetet for miljø og biovitskap - ingeniørutdanning), Høgskolen i Hedmark og Høgskolen i Oslo (allmennlærarutdanning/ grunnskulelærarutdanning) og Universitetet i Tromsø (lærarutdanning) har også fått 500 000 kroner kvar til tilsvarande internasjonaliseringsprosjekt.
Sjå Kunnskapsdepartementets offentleggjering av løyvinga her.
Kommentarer
Universitetet i Agderpost@uia.no
Telefon: +47 38 14 10 00 Fax: +47 38 14 10 01
