StatoilHydro rår over forskinga
skriv Morgenbladet 23. januar. Tilsette i oljeselskapet sit i viktige posisjonar i forskinga, m.a. i Noregs forskingsråd, og har avtalar med alle seks (sic!) universiteta i Noreg, ifølgje avisa.
Ved Universitetet i Agder har Institutt for informasjonssystem frå 2002 til 2008 ein partnarskapsavtale med StatoilHydro, ein avtale som m.a. har resultert i seminar og 18 masteroppgåver. Avtalen blir vurdert vidareført, skriv Morgenbladet.
StatoilHydros posisjonar i norsk forsking, i fyrste rekkje knytt til oljeverksemda, blir trekt fram av oljehistorikaren Helge Ryggvik ved Senter for teknologi, innovasjon og kultur ved Universitetet i Oslo. Han har sjølv opplevt forsøk på styring frå oljeselskapet i samband med forskingsarbeidar med kritisk syn på selskapet.
Direktør Arvid Hallén i Noregs forskingsråd er einig i at Noreg treng meir uavhengig samfunnsforsking om oljeverksemda. Men han er ikkje einig i at forskingsprogram i regi av forskingsrådet skjer på oljeindustrien sine premissar.
Delar av saka er open på Morgenbladets nettsider.
Kommentarer
Universitetet i Agderpost@uia.no
Telefon: +47 38 14 10 00 Fax: +47 38 14 10 01
