Noreg treng fleire øk.adm.-kandidatar

SSB spår at etterspurnaden etter arbeidarar med utdanning på høgskule- og universitetsnivå, og frå yrkesutdanningar på den vidaregåande skulens nivå, vil auke. Særleg vil behovet for arbeidskraft med utdanning innan økonomiske og administrative fag auke, i større grad på bachelornivå enn på masternivå. SSB meiner at det fram mot 2030 vil vere behov for nesten 100 000 fleire personar som har øk.adm.-utdanning. Det gjer at denne utdanningsgruppa vil kunne utgjere ei større gruppe enn lærarar, som no er den største utdanninggruppa i landet. Det vil også bli behov for fleire innanfor helse-, pleie- og omsorgsyrke.

Tilbodet på denne typen arbeidskraft vil ikkje kunne oppfylle behovet, dersom ikkje utdanningskapasiteten blir auka. SSB seier derfor at det kan vere ønskjeleg å auke utdanningskapasiteten innan høgare utdanning.

Rapporten Demand and supply of labor by education towards 2030 kan lastast ned frå nettsidene til SSB.

Kommentarer