Høgskolen i Bodø best på økonomi-etikk?
Framtiden i våre hender har laga ei undersøking av etikkundervisninga i økonomi- og administrasjonsutdanningane ved norske høgskular og universitet. Det er i hovudsak fagplanane for 2007/2008 som er undersøkt. I tillegg er studentrepresentantar og fagleg ansvarlege intervjua.
Høgskolen i Bodø (Handelshøyskolen i Bodø) blir kåra til den etiske vinnaren. HiBo har obligatorisk etikkundervisning i dei økonomisk-administrative studia både på bachelor- og masternivå. Norges handelshøyskole og Universitetet for miljø- og biovitskap får godkjent karakter, med "noko" etikkundervisning på begge nivåa. Universitetet i Agder blir godkjent for sine bachelorstudier, men ikkje for masterstudia. Handelshøyskolen BI blir godkjend for masterstudia sine, men har ikkje etikk som eigne emne i bachelorstudia.
Aftenposten omtaler undersøkinga 30. november, men har ikkje fått med at UiA (saman med NHH) blir plassert på 2. plass for etikken i bachelorutdanninga.
No må det seiast at undersøkinga er mykje overflatisk. Den har berre vurdert om omgrepa "etikk", "CSR" (corporate sosial (sic!) responsibility) og/eller "samfunnsansvar" finst i kursomtalane for faga.
Kommentarer
Universitetet i Agderpost@uia.no
Telefon: +47 38 14 10 00 Fax: +47 38 14 10 01
