Grønmo attvalt i Bergen
Det blei ikkje endringar i rektorposisjonen i Bergen. Sitjande rektor Sigmund Grønmo får fire nye år som rektor ved Universitetet i Bergen.
Det nye rektoratet til Grønmo fekk 52,6 prosent av stemmene. Utfordraren Rolf Reed fekk 43,8 prosent. 3,6 prosent stemde blankt.
Rektor Sigmund Grønmo er professor i sosiologi. Den nye prorektoren, Berit Rokne, er professor i sjukepleievitskap. Det blir to viserektorar i leiarteamet. Viserektor for internasjonale relasjonar, Kuvvet Atakan, er professor i geovitskap. Viserektor for utdanning, Astri Andresen, er professor i historie.
Oppslutninga ved valet var på over 70 prosent for dei vitskapleg tilsette, nesten 70 prosent for andre tilsette, og på over 30 prosent for studentane.
Les UiBs nyhendesider På Høyden og Bergens Tidende om rektorvalet i Bergen.
Kommentarer
Universitetet i Agderpost@uia.no
Telefon: +47 38 14 10 00 Fax: +47 38 14 10 01
