Framleis lågt utdanningsnivå i Agder

27,3 % av befolkninga over 16 år hadde utdanning på universitets- og høgskulenivå i 2009. Det er ein auke frå 26,7 % i 2008, frå 21,7 % i 2000, og 12,9 % i 1985. Det har med andre ord vore ei monaleg utvikling i utdanningsnivå dei siste 25 åra. Det er særleg blant kvinner utviklinga har vore sterk. I 1985 hadde 11,2 % av kvinnene høgare utdanning, og berre 0,9 % høgare utdanning av meir enn 4 års lengd. I 2009 hadde nesten 30 % av kvinnene høgare utdanning, 5 % av meir enn 4 års lengd. 25 % av mennene har høgare utdanning, men ein større del enn blant kvinnene har meir langvarige studier.

Agder er framleis ein landsdel med lågare utdanningsnivå enn gjennomsnittet for landet. I overkant av 25 % av den vaksne befolkninga i Agder har høgare utdanning, ein auke frå 19 % dei siste 10 åra. Kristiansand er kommunen med høgast utdanningsnivå i Agder, 30,1 % med høgare utdanning. Bykle har høgast utdanningsnivå i Aust-Agder, 29,6 %. Bærum er kommunen i Noreg med høgast utdanningsnivå blant innbyggjarane sine. 46,4 % av den vaksne befolkninga i Bærum hadde høgskule- eller universitetsutdanning i 2009.

Utdanningsstatistikken til SSB kan lesast her.

Kommentarer