Forslag om endringar i uh-lova
Kunnskapsdepartementet har sendt forslag om nokre endringar i universitets- og høgskulelova på høyring.
Det blir m.a. foreslått endringar i paragrafane om NOKUT sine oppgåver og fullmakter, og i paragrafane som omhandlar eksamen og sanksjonar ved fusk. Det blir også foreslått ei understreking av institusjonane sitt ansvar for norsk fagspråk.
Departementet ønskjer også å gjere §10-4 i uh-lova klarare. §10-4 omhandlar tilsetjing av rektor, og det går ikkje fram av paragrafen, slik den er i dag, kva som skal til for å reversere ei avgjerd i styret om rektortilsetjing. Departementet foreslår no at eikvar endring av leiingsform, i forståinga vald eller tilsett rektor, krev to tredels fleirtal i styret.
Høyringsfristen er sett til torsdag 26. februar 2009 . Forslaga til lovendringar og høyringsnotatet er på nettsidene til departementet.
Kommentarer
Universitetet i Agderpost@uia.no
Telefon: +47 38 14 10 00 Fax: +47 38 14 10 01
