Fleire tek høgare utdanning

I 2009 blei det registrert 235 300 studentar i Noreg. Det er ein auke på nesten 10 000 frå året før, og ein auke på nesten 34 000, eller 17 %, dei siste 10 åra. Kvinnene, som utgjer meir enn 60 prosent av studentane, har også den sterkaste auken.

48 305 av studentane i hausten 2009 var nye studentar. Det utgjorde i overkant av 20 prosent av studentpopulasjonen. 10 år tidlegare var delen førsteårsstudentar vel 19 %, vel 39 000 av studentane var nye studentar i 1999.

Meir enn 30 % av ungdom mellom 19 og 24 år var i høgare utdanning hausten 2009. Det er ein auke frå 20 % hausten 1999. Også i aldersgruppa 25-29 år har delen i høgare utdanning auka monaleg, frå 10 % til 15 %. Denne auken er sterkast blant kvinner, og blant studentar der foreldra ikkje har utdanning ut over grunnskulen. For kvinner med slik bakgrunn har delen i høgare utdanning auka med meir enn 140 % dei siste 10 åra. For studentar med foreldre som sjølv har høgare utdanning er ikkje auken så markant. Delen med denne bakgrunnen, i aldersgruppa 19 - 24 år, er 58 %, ein auke frå 55 % i 1999.

Denne statistikken, og annan interessant utdanningsstatistikk, kan lesast frå nettsidene til SSB.

Kommentarer