Abel-utstilling opnar i UiA-biblioteket
Torsdag 13. november opnar ei permanent utstilling om Niels Henrik Abel i universitetsbiblioteket på Kampus Kristiansand. I tillegg til den faste historiske delen, blir Abel som inspirator for forskarar i dag trukke fram gjennom plakatene frå den store Abelprisen som vert delt ut årleg.
Det einaste samtidige portrettet av Niels Henrik Abel, malt av Johan Gørbitz i 1826, her henta frå Abelprisen si heimeside.
- Niels Henrik Abel er utan tvil den mest kjende norske vitskapsmannen gjennom tidene. Derfor er det god grunn å minnast dette geniet med ei permanent utstilling. Samtidig vil vi presentera siste års Abelprisvinnar, og slik spreia kunnskap om store framsteg i dagens matematikk. Målet er å skapa større interesse og entusiasme for matematikk spesielt og forsking generelt, seier professor emeritus Leiv Storesletten.
Den historiske delen i har to hovudelementar:
Først ein statue av Abel laga av Gustav Lærum, utlånt av Rasmussengruppen AS, som er sterkt knytta til Frolands Verk.
Deretter ein bokmonter med utstilling av Abels verk og litteratur om Niels Henrik Abel.
Den moderne delen har fire store fargerike plakatar med informasjon om Abelprisen og årets prisvinnar. Plakatane er utlånte frå Det Norske Videnskaps-Akademi (DNVA) i Oslo.
Den permanente Abel-utstillinga skal stå i Universitetsbiblioteket på Gimlemoen.
Kommentarer
Abel inspirerar
Meir om Niels Henrik Abel på wikipedia:
Ved Universitetet i Agder er det utvikla eit digitalt læringsverktøy for matematikk og fysikk - parAbel.
Programmet vert nå i snøgt aukande grad teke i bruk av oppegåande realfaglærarar ikkje minst i vidaregåande skole - og vert også brukt i høgare utdanning.
Mattegeniet Abel er inspirasjonskjelde for matematikk-konkurransar:
KappAbel - for elevar i 9. klassetrinn i grunnskolen:
Niels Henrik Abels matematikkonkurranse - The Norwegian Mathematical Olympiad - for elevar i vidaregåande skole
Abel over alt - artikkel på forskning.no
Universitetet i Agderpost@uia.no
Telefon: +47 38 14 10 00 Fax: +47 38 14 10 01
