Kunsten ved universitetet

21. mars 2002 overrekte Utsmykkingsfondet for offentlege bygg den nyinnkjøpte kunsten i nybygget til dåverande Høgskolen i Agder på Gimlemoen. Hovudverket blant den innkjøpte kunsten er Installasjon for Agder av den amerikanske konseptkunstnaren Jenny Holzer. Hovuddelen av arbeidet består av benker og bord i finsk granitt, der tekstane til kunstnaren er graverte inn. Installasjonen omfattar dessutan tekstar som det er meininga skal leggjast ut på universitetet sitt nett, men som enda ikkje er presentert på denne måten.

Eit annan hovudverk er skulpturen Skal/Kranium av Per Inge Bjørlo. Denne skulpturen er plassert ved hovudinngangen på campus.

I tillegg til hovudverkane av Holzer og Bjørlo inviterte utsmykkingsutvalet Mette Stausland og Kristine Hjertholm til å delta i utsmykkinga av Gimlemoen. Mette Stausland, opphavleg frå Kristiansand, har laga eit stort veggmåleri i to delar i Kafé Kampus. Tittelen er Uten tittel. Kristine Hjertholm har laga skulpturen Seg selv, plassert i atriet på baksida av kaffebaren i studentkantina. Diverre blei Seg selv skadd av fukt, og er fjerna av kunstnaren.

I tillegg til verka frå dei fire inviterte kunstnarane har utsmykkingsutvalet kjøpt inn ei rekkje fotografiske arbeid av norske samtidskunstnarar, og eit utvalt måleri av Astrid Nondal. Desse arbeida er hengde opp i møterom og pauseareal på campus.

Wennesland-samlinga er den største delen av kunstsamlinga ved UiA. Kunsthistorikaren Frida Forsgren har presentert vel 30 enkeltverk frå samlinga, under overskrifta Frå Wenneslandsamlinga.

Frå august 2011 skriv Frida Forsgren om andre delar av UiAs kunstsamling.

Kunstverket i mai er Gustav Vigelands Egget, utlånt til UiA frå ein privat eigar, og plassert i atriet på Campus Grimstad.

Del/Tips: